دخول
بحـث
نتائج البحث
بحث متقدم
أفضل 10 أعضاء في هذا المنتدى
11640 المساهمات
3413 المساهمات
3332 المساهمات
3308 المساهمات
2855 المساهمات
2254 المساهمات
2058 المساهمات
2046 المساهمات
1937 المساهمات
1776 المساهمات
تدفق ال RSS

Yahoo! 
MSN 
AOL 
Netvibes 
Bloglines 
كود انت غير مسجل
مرحبا أيها الزائر الكريم, قرائتك لهذه الرسالة... يعني انك غير مسجل لدينا في المنتدى .. اضغط هنا للتسجيل .. ولتمتلك بعدها المزايا الكاملة, وتسعدنا بوجودك
facebook1
iframe

شاطر
استعرض الموضوع السابقاذهب الى الأسفلاستعرض الموضوع التالي
avatar
إكـــــــــــــرام 38
عضو مشارك
عضو مشارك
  :
انثى
عدد الرسائل : 236
العمر : 18
العمل/الترفيه : طالبة

المزاج : هادئة
تاريخ التسجيل : 29/08/2009

???? اختـر حرفـا واقـرأ بـوقـالتـك .

في الإثنين 08 أغسطس 2011, 17:58
هذه بوقالات من قلب الجزائر الى جميع الأعضاء كل واحد يدخل يختار واحدة

ان شاء الله تكون فال خير عليه


حرف الباء:باسم الله بديت ..و على النبي صليت ...وعلى أصحاب الأسماء ألي تبدأ بالباء هذى البوقالة نويت...


هبط لقاع البحر ، فرّشت زربية ، خرجت لي جنية ، قالت لي واش بيك يا بنية ؟ قلت لها راحوا حبابي و خلاوني وحدانية.

وحكمتكم : بئس الطعام الحرام
******

حرف التاء:باسم الله بديت ..و على النبي صليت ...وعلى أصحاب الأسماء ألي تبدأ بالتاء هذى البوقالة نويت...


لو كان السعود تنغرس بالعود نغرس ميات عود في وطيّة ، لكن السعود بيدّك يا معبود . يا سقام السعود سقم لي سعدى.



و حكمتكم :تجنب شؤم الهزل ، و نكد المزاح.

******

حرف الثاء:باسم الله بديت ..و على النبي صليت ...وعلى أصحاب الأسماء ألي تبدأ بالثاء هذى البوقالة نويت...

طلعت للغابة ، صبت الضّرو يابس ،قتلوا يا ضرو القمر يمشي ولا حابس ، قالي مفرش زربية وحذاه طاوس .

و حكمتكم : ثمرة العلوم العمل بالمعلوم.

******
حرف الجيم:باسم الله بديت ..و على النبي صليت ...وعلى أصحاب الأسماء ألي تبدأ بالجيم هذى البوقالة نويت...



رشّيت عتبة الباب بالزهر و الطّيب ، وسقيت كل الأحباب بالعسل و الزبيب ، و كى نسيت جاني جواب كنت نستناه من عند البعيد.



و حكمتكم : جد بالكثير ، واقنع بالقليل
******


حرف الحاء:باسم الله بديت ..و على النبي صليت ...وعلى أصحاب الأسماء ألي تبدأ بالحاء هذى البوقالة نويت...



مدّيت لقاع البير و فرّشت زربية ، حرقست حرقوس ذهب من راسى لوذنية ، فرحي يا يما سعدى زها ..و استشفاي في العدو إلى استشفي فيّ .



و حكمتكم : الحازم من كتم سرّه

******

حرف الخاء:باسم الله بديت ..و على النبي صليت ...وعلى أصحاب الأسماء ألي تبدأ بالخاء هذى البوقالة نويت..


يما يما ديريلي تويقة في وسط الحديقة باش نشوف زهرى كي تجيبو ذيك الوريقة.



و حكمتكم : الخَرَسْ خير من الكذب .

******
حرف الدال:باسم الله بديت ..و على النبي صليت ...وعلى أصحاب الأسماء ألي تبدأ بالدّال هذى البوقالة نويت..


ديديو..ديدو..أنا سعدي مليح ، قنديلي ضاوي ، البنيان إلى بنيتو قع سجالى ، بنياني فوق غرفة و لي يخصني يكملهولي العالي .



و حكمتكم : دُل على الجميل بجميل خلالك

******

حرف الراء:باسم الله بديت ..و على النبي صليت ...وعلى أصحاب الأسماء ألي تبدأ بالراء هذى البوقالة نويت...



عسل يا عسل في باقة خضرا ، يا شميمت العاشقين يا قمرا ، حلف سيد الملاح ما يرأس أمر غير إذا جات غزالته باش تكمل الحضرة.



ربما أراد الأحمق نفعك فضرّك

******
حرف الزاي:باسم الله بديت ..و على النبي صليت ...وعلى أصحاب الأسماء ألي تبدأ بالزّاي هذى البوقالة نويت...

الدالية دلات ..و دلّ العنقود ، خلي القمر ينكشف ، والسحاب يذوب ، و خلي لالات النسا تنال المرغوب.


وحكمتكم : زين النّطق الصّدق .

******
حرف السين:باسم الله بديت ..و على النبي صليت ...وعلى أصحاب الأسماء ألي تبدأ بالسين هذى البوقالة نويت...


خرت نهار الجمعة ، في يدى شمعة ، قالولي أمسحى ذيك الدمعة ، و انساي الخلعة ، قريب يتلموا احبابك و صحابك و يفرحوا معاك الجماعة .



و حكمتكم : سرور الدنيا كأحلام النائم .

******
حرف الشين:باسم الله بديت ..و على النبي صليت ...وعلى أصحاب الأسماء ألي تبدأ بالشين هذى البوقالة نويت...


الناس تنده بالرجال و الوالي ، وانا ننده بربي العالي .

وحكمتكم : الشكاية سلاح الضعفاء .

******
حرف الصاد:باسم الله بديت ..و على النبي صليت ...وعلى أصحاب الأسماء ألي تبدأ بالصاد هذى البوقالة نويت...

حوم حوم يا حوام ، حوم فوق السطح العالي ، و قول لها يا لالة يا زينة لبنات و خدودها براقة ، و عيونها غرّاقة ، صارت كل القلوب ليها سبّاقة.


و حكمتكم : صداقة الجاهل تعب .

******
حرف الضاد:باسم الله بديت ..و على النبي صليت ...وعلى أصحاب الأسماء ألي تبدأ بالضاد هذى البوقالة نويت...

كلام على كلام و الكلام على سقيلة ، العين في العين و الدّعوة مقبولة.

و حكمتكم : ضالة الكريم حسن الثّناء.

******
حرف الطاء:باسم الله بديت ..و على النبي صليت ...وعلى أصحاب الأسماء ألي تبدأ بالطاء هذى البوقالة نويت...

يا شمس واش بيك ذابلة ، إلا لابيك الزين راني نفكر فيك ، و اذا بيك الزهر ربي ما يتخلي عليك .

و حكمتكم : طوبي لمن شغله عيبه عن عيوب الناس

******
حرف الظاء:باسم الله بديت ..و على النبي صليت ...وعلى أصحاب الأسماء ألي تبدأ بالظاء هذى البوقالة نويت...

محبس منقوش ، مربي على الفشوش ، ما يحمل الهانا ، أصبر يا خاطري حتى يفرّج مولانا .

ظلم الضعيف أفحش ظلم

******
حرف العين:باسم الله بديت ..و على النبي صليت ...وعلى أصحاب الأسماء ألي تبدأ بالعين هذى البوقالة نويت...

لزّيت لباب الرياض ، الورد عالباب النرجس باسني ، الزهر عنقنى ، و الياسمين ما بغَ يكلمني

وحكمتكم : العين بريد القلب .

******

حرف الغين:باسم الله بديت ..و على النبي صليت ...وعلى أصحاب الأسماء ألي تبدأ بالغين هذى البوقالة نويت...

قطّعت اللحم بيدى و عملت بذور ، و سمعت الكلام بوذنى و عرفت من قالو ، يا قايلين الكلام القبيح واش تربحوا ، أنا طاوس في القصر و انتم خفاش النهار ما يضوالو.

و حكمتكم : الغفلة غرور.


******
حرف الفاء:باسم الله بديت ..و على النبي صليت ...وعلى أصحاب الأسماء ألي تبدأ بالفاء هذى البوقالة نويت...

جزت على جنية ، قالت لي واش تحوسي يا ولية ، قلت لها مانى نحوّس لا على ما ولا على جاه ، نحوس على من ضيّعت يولي لي .

وحكمتكم : الفقه جيش لا يهزم
******

حرف القاف:باسم الله بديت ..و على النبي صليت ...وعلى أصحاب الأسماء ألي تبدأ بالقاف هذى البوقالة نويت...

جايز على باب دارنا ، لابس تلمساني ، قتلو يا شيخ بالاك تنساني ، قالى والله ما ننساك ، ونصيبك على ربي جاه و سلطاني.

وحكمتكم : القريب من قَرُبَ نفعه.

******

حرف الكاف:باسم الله بديت ..و على النبي صليت ...وعلى أصحاب الأسماء ألي تبدأ بالكاف هذى البوقالة نويت...

امّنت بالله ، و المنام رؤية من عند الله ، حمامة بيضة جات ترفرف عليّ ، معاها حصان توقّف بين يديّ .

وحكمتكم: كرام الناس أسرعهم مودّة.

******
حرف اللام:باسم الله بديت ..و على النبي صليت ...وعلى أصحاب الأسماء ألي تبدأ باللام هذى البوقالة نويت...

نبعث لكم دموعى في مشوار زرق ، و نبعث كلامي في برية تحرق ، ما ننساكم يا ناسى بحق مكة و بلاطها لزرق.

وحكمتكم : لين الكلام قيد القلوب.

******

حرف الميم:باسم الله بديت ..و على النبي صليت ...وعلى أصحاب الأسماء ألي تبدأ بالميم هذى البوقالة نويت...

سمعت قر الحمام في قاع السّجنة ، لا من سقاه الما ولا من طاه شعير ، يا قمر ..الحمام يعي و يحن ، وتتعمّر النافورة ، ونعودوا لزمانا كيما كنا .

و حكمتكم : المشقة كلها في تأديب الجاهل .

******

حرف النون: باسم الله بديت ..و على النبي صليت ...وعلى أصحاب الأسماء ألي تبدأ بالنون هذى البوقالة نويت...

خرجت ليلة الجمعة ، في يدى شمعة ، خرج لي ملاك حنين قالي : يا بنت السحاب حاجتك راه مقضية ، قلت ليه : يا سيدي طالت المدة ، قالى : روحى لدارك تصيبيها قدّامك .

و حكمتكم : النفس مولعة بحب العاجل .

******

حرف الهاء:باسم الله بديت ..و على النبي صليت ...وعلى أصحاب الأسماء ألي تبدأ بالهاء هذى البوقالة نويت...

خرجت بدر البدور تتزعبل في المور ، تلقت هذوك الشعور ،على الخد إلى ينوّر مثل التفاحة.

وحكمتكم : هيهات من نصيحة عدوّ.
******

حرف الواو:باسم الله بديت ..و على النبي صليت ...وعلى أصحاب الأسماء ألي تبدأ بالواو هذى البوقالة نويت...

دارنا في الجبل ، مقابلة مكة ، مفتاحها من ذهب ، يشعل ما يطفي .

وحكمتكم : الوحدة خير من جليس السّوء

******

يلا لا تحرموني من مشاركاتكم واتمنى أن تعجبكم البوقالات


avatar
الونشريسي
المدير العام
المدير العام
  :
ذكر
عدد الرسائل : 11640
العمر : 49
المزاج : هادئ
تاريخ التسجيل : 13/12/2007
http://bou-r.talk4her.com

???? رد: اختـر حرفـا واقـرأ بـوقـالتـك .

في الأربعاء 10 أغسطس 2011, 01:02
شكرا على الموضوع و الحرف هو الجيم
avatar
إكـــــــــــــرام 38
عضو مشارك
عضو مشارك
  :
انثى
عدد الرسائل : 236
العمر : 18
العمل/الترفيه : طالبة

المزاج : هادئة
تاريخ التسجيل : 29/08/2009

???? رد: اختـر حرفـا واقـرأ بـوقـالتـك .

في الأربعاء 10 أغسطس 2011, 19:14
مرورك يزيدني شرفا
نوال40
عضو جديد
عضو جديد
  :
انثى
عدد الرسائل : 12
العمر : 24
تاريخ التسجيل : 16/10/2011

???? رد: اختـر حرفـا واقـرأ بـوقـالتـك .

في الأحد 16 أكتوبر 2011, 21:13
بارك الله فيك و جزاك الجنه
موضوع رائــــــــــــــــع
avatar
إكـــــــــــــرام 38
عضو مشارك
عضو مشارك
  :
انثى
عدد الرسائل : 236
العمر : 18
العمل/الترفيه : طالبة

المزاج : هادئة
تاريخ التسجيل : 29/08/2009

???? رد: اختـر حرفـا واقـرأ بـوقـالتـك .

في السبت 22 أكتوبر 2011, 16:13
وفيك بركة.
أميرة الاحلام
عضو جديد
عضو جديد
  :
انثى
عدد الرسائل : 20
العمر : 47
العمل/الترفيه : ربت بيت

المزاج : أحمد الله وأشكره
تاريخ التسجيل : 07/12/2012

???? رد: اختـر حرفـا واقـرأ بـوقـالتـك .

في الخميس 20 ديسمبر 2012, 09:39
هادي بوقالتي
حرف النون: باسم الله بديت ..و على النبي صليت ...وعلى أصحاب الأسماء ألي تبدأ بالنون هذى البوقالة نويت...

خرجت ليلة الجمعة ، في يدى شمعة ، خرج لي ملاك حنين قالي : يا بنت السحاب حاجتك راه مقضية ، قلت ليه : يا سيدي طالت المدة ، قالى : روحى لدارك تصيبيها قدّامك .

و حكمتكم : النفس مولعة بحب العاجل .

والله نحتاج لترفيه عن أنفسنا حتي ننسي مشاق الحياة مشكوووووووووووووورة
استعرض الموضوع السابقالرجوع الى أعلى الصفحةاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى